Tuesday, November 6, 2012

பதிவருக்கு வந்த பயமுறுத்தல் - முறியடிப்போம் வாரீர் !

ஆயுதத்தை விடவும் வலியது பேனாமுனை என்பார்கள் ..அந்த பேனா எத்தனையோ அராஜக சாம்ராஜ்யங்களை அழித்து  நல்வழிக்கு வித்திடிருப்பது உலகம் முழுக்க ஏனைய இடங்களில் நடந்தேறி இருக்கிறது.பேனாமுனையில் உண்மையும் ,கருத்து சுதந்திரமும் கத்தியை  விட,துப்பாக்கியை விட எழுத்துக்கு வலிமையையும் இருப்பதாலேயே எத்தனையோ புரட்சி அகிலம் முழுக்க அரங்கேறி இருக்கிறது.

கருத்து சுதந்திரம்


அந்த எழுத்துதான் இன்று  இணைய உலகத்தின் புரட்சி வடிவமாய் facebook ,twitter ,blog என உலக வரலாற்றை மாற்றிப்போடும் மாபெரும் சக்தியாய் விஸ்வரூப மெடுத்திருக்கிறது.ஆனால் தற்போது அந்த கருத்து சுதந்திரத்திற்கு,எழுத்து வடிவத்துக்கு மாபெரும் அச்சுறுத்தல் ஏற்ப்பட்டிருப்பது  யாவரும் அறிந்ததுதான்.
இதை இப்படியே விட்டுவிட்டால் கேட்பாரற்ற அனாதைகளாய்,வாய் பேச முடியாத ஊமைகளாய், வலையுலகில் ஒவ்வொருவரும் உருவாக்கப்பட்டு விடுவோம்..அதற்கெதிராய் அணிதிரள்வோம் ..வலையுலக கருத்து சுதந்திரத்தை மீட்டெடுப்போம் வாரீர்!

எனவே பதிவர் தருமி அவர்கள் முன்னெடுத்திருக்கும் போராட்டத்திற்கு தோள்கொடுப்பது,நம் அனைவரது கடமையாகும்.பதிவர்கள் ஒவ்வொருவரும் கீழ்க்கண்ட செய்தியை  தங்கள் பக்கத்தில் மீள்பதிவு செய்து, மேலும் பதிவிட்ட பின் இடுகையை தருமி அவர்களின் தளத்தில் இணைத்து போராட்டத்திற்கு வலிமை சேர்க்கும்படி கேட்டுக்கொள்கிறேன்.
------------------------------------------------------------------------------------------------------------------

 I-T ACT SECTION 66 A பற்றி ப்ரனேஷ் ப்ரகாஷ், (Pranesh Prakash, Policy Director of the Bangalore based Centre for Internet and Society)கூறுவது வேடிக்கையாகவும், வேதனையாகவும் இருக்கிறது.(http://www.thehindu.com/news/national/iac-volunteer-tweets-himself-into-trouble-faces-three-years-in-jail/article4051769.ece) அவர் சொல்கிறார்: ’யாரும் என்னைப் பற்றி ஒரு புத்தகம் எழுதி, அதில் என்னை வேண்டுமென்றே மோசமாக எழுதினாலும் என்னால் அதைப் பெரிதாக ஒன்றும் சட்டப்படி செய்ய முடியாது. ஆனால் அப்படி ஒரு செய்தியை e-mail செய்தாலும் உங்களுக்கு மூன்றாண்டுகள் ஜெயில் நிச்சயம்! இது தவறாக யாரையும் கொன்றுவிட்டால் கிடைக்கும் இரண்டாண்டு சிறைத் தண்டனையை விட அதிகம்!’

”ரவி (சீனிவாசன்) மேல் கார்த்திக் சிதம்பரம் கொடுத்த புகாரின் பேரில், நீதிமன்றங்கள் அவரைத் தண்டிக்காதவரை அவரைக் கைது செய்தது தவறு” என்று இன்று இந்து தினசரியில் (5.11.12 - http://www.thehindu.com/todays-paper/advani-condemns-arrest-of-iac-activist/article4065734.ece) அத்வானி கூறியுள்ளார்.

இந்துவில் வந்த தலையங்கமும் (http://www.thehindu.com/opinion/editorial/an-attack-on-media-freedom/article4055267.ece) இக்கருத்தைப் பற்றியும், பேச்சு சுதந்திரத்தைப் பற்றியும் தெளிவாக வலியுறுத்தியுள்ளது.

*இவ்வாறு செய்தித் தாட்களில் வந்த செய்திகளை நம் பதிவுகளில் மேற்கோளிடுவதும் கூட இச்சட்டத்தினால் தவறாகக் கருத்தப்படும் என்ற நிலையே இப்போது உள்ளது. இது தனி மனித உரிமைகளையே பறிக்கும். நம் கருத்துக்களை சுதந்திரமாக வெளியிடும் உரிமை நமக்கு வேண்டும். இந்த உரிமை நம்மிடம் இருக்குமளவிற்கு I-T ACT திருத்தப்பட வேண்டும்.

*இதனோடு, பிரபலங்கள் கொடுக்கும் வழக்குகளுக்கு முன்னுரிமை கொடுக்கும் காவல் துறையின் அவசரப் போக்கும் நமக்கு தேவையில்லாத அச்சத்தை மட்டுமே தரும். சரியான விசாரணை வேண்டும்; தேவையற்ற கைது தவிர்க்கப்பட வேண்டும் என்பவைகளைக் காவல் துறையின் கவனத்திற்குக் கொண்டு செல்கிறோம்.

*முறையான விசாரணை மூலம் உண்மைகள் வெளிவரும் முன்பே வெகு கோரமான ஊடகச் செய்திகள் குற்றமற்றவர்களையும் பாதிக்கும் என்ற எண்ணம் ஊடகங்களிடம் இல்லை என்பதும் வேதனையான செய்தி. ஊடகங்கள் இன்னும் பொறுப்போடு செயல்பட வேண்டும்.


நம் உரிமையையும், சுதந்திரத்தையும் காப்போம். 
இதற்காக பதிவர்கள் ஒன்று படுவோம். 
----------------------------------------------------------------------------------------------------------
கீழே உள்ள வரியை எல்லோரும் டிவிட்டரிலும் பேஸ் புக்கிலும் பதிவிடலாமே ...

இந்திய அரசே,
தனிமனித உரிமைகளையே பறிக்கும். I-T ACT Section 66 A திருத்தப்பட வேண்டும். தனிமனித கருத்துக்களை சுதந்திரமாக வெளியிடும் உரிமை வேண்டும்


Widget byLabStrike


No comments:

Post a Comment