Saturday, December 1, 2012

தமிழ் சினிமாவில் பேன்சி பெயர்கள்



வடமொழி எழுதுடனோ,ஆங்கில மொழி அல்லது புரியாத இதர மொழியிலோ இருப்பதெல்லாம் நம் மக்களைப் பொறுத்தவரை பேன்சி பெயர்கள்..சொன்னால் புரியக்கூடாது..நான்கு முறை கேட்டாலும் ஞாபகத்தில் இருக்க கூடாது.

குழந்தை பிறந்தவுடன் எல்லோரும் அடுத்தவன் மொழியை நோக்கி படை எடுக்கும் பரிதாப நிலைக்கு ஆளாக்கப்பட்டனர்..ஆளாக்கப்பட்டுள்ளனர்.பெயரை வைத்துவிட்டு புரியாத பாசையில் காரணம் சொல்வார்கள்..இப்போ சிலரிடம் அந்த பிற்ப்போக்குதனம்  மாறி தமிழ் பெயர்களில் பெயரிடும் பக்குவம் அதிகரித்திருக்கிறது.இது குழந்தைகளைப் பொறுத்தவரை..வடமொழி புரியாத பாசைகளின் நடுவே இப்போ தமிழ் குழந்தைகளின் பெயர் பேன்சி யாகி இருக்கிறது..கேட்க இனிக்கிறது..

சினிமாவை எடுத்துக்கொண்டால் வடமொழி,ஆங்கிலத்தில் பெயர் வைக்கும்  மோகம் எல்லோரையும் பிடித்து ஆட்டியது ஒரு காலத்தில்..பின்னர் கலைஞர் ஆட்சியின் போது தமிழில் தலைப்பு வைத்தால் வரிக்குறைப்பு என்று சொன்னவுடன் ஆளாளுக்கு தமிழில் பெயர் சூட்டலாயினர்..கேட்கவும் படிக்கவும் அழகாய் இருந்தது..அதில் ஓர் ஈர்ப்பும் இருந்தது..
"வாரணம் ஆயிரம்" வார்த்தையிலேயே வண்ணம் ஆயிரம் தெரிந்தது.."அவள் பெயர் தமிழரசி" தமிழுக்கு இனிமை சேர்த்தது..இப்படியாய் பெயருக்கு இனிமை சேர்த்தன பல..ஓர் எதிர்பார்ப்பை தூண்டின..ஆனால் மீண்டும் இப்போ பழைய குருடி கதவ திறடின்னு அந்நிய மோகம் சினிமாக்காரர்களிடம்..ஆங்கிலப் பெயர் அதிகமாகி இருக்கிறது..வடமொழி மோகம் வாட்டுகிறது அவர்களை..கேட்க சுரத்தை இல்லை.
இந்த மோகத்தின் இடையே ஒரு படம் வருகிறது தமிழ் பெயரில் என்றால் அது எதிர்பார்ப்பை தூண்டுகிறது..இது சினிமாக்காரர்கள் பலருக்கு புரிவதில்லை..புரியாமல் அந்நிய மோகத்திலே அலைகிறார்கள்..ஒருசிலர் தவிர பலர்  படம் வந்த வேகத்தில் தொலைகிறார்கள்..

"நடுவுல கொஞ்சம் பக்கத்தை காணோம்" தலைப்பிலேயே நாவல் இருக்கிறது..ஒரு கவிதை தொகுப்பின் தலைப்பு போல் இருக்கிறது..சுவாரசியத்தை தூண்டுகிறது.. நீர்ப்பறவை  பெயரே மனதை நனைக்கிறது..சின்ன பட்ஜெட் ஆனாலும் எதிர்பார்ப்பை தூண்டுகிறது..இதற்கு தலைப்பும் ஒரு காரணம்..தலைப்பால் மட்டுமே படம் ஓடுவதில்லை..நல்ல கதை காட்சி அமைப்புகளும் இருக்க வேண்டும்..ஆனால் தலைப்பு எதிர்ப் பார்க்க வைக்கும் காரணியாக இருப்பதை என்பதை யாரும் மறுக்க முடியாது..
அந்நிய மோகத்தை விட்டு நம் மொழி மோகம் வருமானால் ரசிகனுக்கும் படதுக்குமான நெருக்கமும் அதிகமாகும்..


Widget byLabStrike


2 comments:

  1. நீங்கள் சொல்வதும் சரிதான். ஒரு காலத்தைல் தலைப்பை மட்டும் சுத்த தமிழில் வைத்துவிட்டு, உள்ளே பாடல் வரிமுதல் எல்லாவற்றிலும் பிறமொழிகளை கலந்தார்கள். அப்படி இல்லாமல் இருந்தால் சரி. ஆனால் மலையாளத்தில் பெரும்பாலான படங்கள் ஆங்கிலப்பெயருடனேயே வருகின்றனவே யாரும் கேட்க மாட்டார்களா?

    ReplyDelete
  2. என்னது தமிழ் பற்றா...? பணப்பற்று தான் முதன்மை...!

    ReplyDelete