யாருக்கும் தெரியாத அந்தரங்கம்

யாருக்கும் தெரிந்திருக்காது...

என் அந்தரங்கம் இவ்வளவு
அசிங்கமானதென்று !
என் அகவெளி இவ்வளவு
அருவருப்பு நிறைந்த தென்று !
நாணும்  சொற்களை
நான் நாணாமல் பேசுவேனென்று !
நாகரிகமாய் கீழ்த்தரம் என்பீர்களே,அதில்நான்
நாகரிகமில்லாமல் கிளர்ச்சி அடைவேனென்று !
உணர்வை பின்னுக்குத் தள்ளிவிட்டு
உணர்ச்சிக்கு முன்னுரிமை தருவேனென்று !

யாருக்கும் தெரிந்திருக்காது
என்றிருந்தேன் ...

அனைவர் வீட்டு அடைபட்ட சுவரும்
அறிந்து  வைத்திருக்கிறது
ஆயிரம் அந்தரங்கங்களை!