மூப்பாகி தோல் சுருங்கியபோதும்

கடலின் அடி சென்று
எடுக்கும்
முத்தைப் போன்று

பூவிதழில் கொஞ்சம் கொஞ்சமாய்
சேமிக்கும்
தேனைப்போன்று

குழந்தையின் முதல் பேச்சை
ரசிக்கும்
தாயைப்போன்று

மனைவி கருவுற்ற செய்தியை
முதன் முதலாய் கேட்ட
கணவனைப்போன்று

முதல் முத்தம்
அனுபவித்தவனின்
பரவசம் போன்று

வயதாகி தோல் சுருங்கியபோதும்
காதலிகளின்
அழகு மட்டும் மங்குவதேயில்லை!